22 July (2018)

တစ်ကမ္ဘာလုံး ဟိုးလေးတကျော်ကျော်ဖြစ်သွားခဲ့တဲ့ နော်ဝေအကြမ်းဖက်မှုအကြောင်း ရိုက်ကူးထားတဲ့ဖြစ်ရပ်မှန် ဇာတ်ကားတစ်ကား Netflix ကနေ ထွက်ရှိလာခဲ့ပါတယ်။ Nominations တွေအများကြီး လျာထားခံခဲ့ရပါတယ်။ IMDb 6.8 နဲ့ Rotten Tomatoes 81% ရရှိထားပါတယ်။ ပေးချင်တဲ့ message တွေ ကောင်းလွန်းတာကြောင့် ရုပ်ရှင်ခရေဇီတွေကြိုက်နှစ်သက်ကြလိမ့်မယ်ဆိုတာ အသေအချာပါပဲ။ ဒီဇာတ်ကားကို ရိုက်ကူးခဲ့တဲ့ ဒာရိုက်တာကတော့ Jason Bourne ၊Captain Phillips စတဲ့ နာမည်ကြီးဇာတ်ကားတွေကို ရိုက်ကူးခဲ့တဲ့ဒါရိုက်တာ Paul Greengrass ဖြစ်ပြီး သရုပ်ဆောင်တွေကိုတော့နော်ဝေနိုင်ငံက သရုပ်ဆောင်တွေကိုပဲ အသုံးပြုထားပါတယ်။ ကမ္ဘာတစ်ဝှမ်းလုံး အစ္စလာမ်မစ်အကြမ်းဖက်သမားတွေရဲ့ ခြိမ်းခြောက်မှုဒဏ်ကိုအလူးအလဲခံနေကြရပါတယ်။ တစ်ဖက်မှာလည်း ၎င်းတို့ကို မိမိတို့နိုင်ငံအတွင်း လက်ခံထားရပါ့မလားဆိုပြီး အစိုးရကို ငြိုငြင်လာတဲ့ လက်ယာစွန်းရောက် မျိုးချစ်ပုဂ္ဂိုလ်တွေတစ်နေ့တစ်ခြား ပိုမိုများပြားလာနေပါတယ်။ (ကျွန်တော်တို့နိုင်ငံရဲ့ လက်ရှိအခြေအနေနဲ့လည်း တူနေပါတယ်) အားလုံးသိကြတဲ့အတိုင်း နော်ဝေနိုင်ငံဟာ လူ့အခွင့်ရေးမြင့်မားတဲ့နိုင်ငံ ဖြစ်တာကြောင့် အကြမ်းဖက်သမားကိုပင် ရုံးတော်မှာ စကားပြောခွင့်ပေးခဲ့တာတွေ၊ အမြင့်ဆုံးထောင်ဒဏ်ဟာ ထောင်ဒဏ် ၂၁ နှစ် ဖြစ်ပြီးအကျင့်စာရိတ္တ တိုးတက်လာခြင်းမရှိဟု သတ်မှတ်ခံရမှသာ နောက်ထပ် ၅ နှစ်ချင်းစီ အဆုံးမရှိ တိုးမြှင့်နိုင်ကြောင်း စတဲ့နော်ဝေဥပဒေတွေကို ဒီဇာတ်ကားထဲမှာ အံ့အားသင့်ဖွယ် တွေ့မြင်ကြရမှာပါ။ ဒီအကြောင်းအရာတွေကို အသားပေးရိုက်ကူးထားတာ ဖြစ်တဲ့အတွက် ဒီဇာတ်ကားကို ကြည့်ပြီးချိန်မှာ ခေါင်းထဲမှာ အတွေးတစ်ခု ၊ရင်ဘတ်ထဲမှာ အမှန်တရားတစ်ခု စွဲကျန်နေခဲ့ကြမှာ သေချာပါတယ်…..Crd: Channel Myanmar Show More