Flavors of Youth(2018)

ဒီတစ်ခါတော့ ဂျပန်အန်နီမေးရှင်းကားကောင်းလေးတစ်ကားနဲ့ မိတ်ဆက်ပေးချင်ပါတယ်။ ဂျပန်ကားလို့ပြောပေမဲ့ ဗားရှင်းကတရုတ်လိုလည်းပါတာဆိုတော့ ဖက်စပ်ရိုက်ခဲ့တာလို့ပြောလို့လည်းရပါတယ်။ your name ဆိုတဲ့ဂျပန်အန်နီမေးရှင်းကားလေး kimi no na wa ကိုမှတ်မိလိမ့်မယ်ထင်ပါတယ်။ အဲဒီproduction ကပဲဒီကားကိုထပ်ထုတ်လုပ်ခဲ့တာပါ။ ထူးခြားတာကတော့ ဒီကားလေးဟာ တစ်ကားတည်းမဟုတ်ပဲ အပိုင်းလေးတွေခွဲထားတာကို မြင်တွေ့ရမှာပါ။ အပိုင်းတစ်ပိုင်းချင်းဆီမှာအလွန်ကောင်းမွန်တဲ့ဖန်တီးချက်တွေ ဇာတ်လမ်းဇာတ်ကွက်တွေပါ မြင်တွေ့ရမှာပါ။ အဲ့အပိုင်းလေးတွေထဲက ကျွန်တော်အကြိုက်ဆုံးအပိုင်းလေးကို အညွှန်းအဖြစ် ပြန်လည်ဖော်ပြပါ့မယ်။ မြို့လေးတစ်မြို့မှာ သူငယ်ချင်း၃ယောက်ရှိပါတယ်။ ရှောင်ယုရယ် လီမိုရယ်ပ န်ရယ် ဆိုတဲ့အချစ်ဆုံးသူငယ်ချင်း၃ယောက်ပေါ့။ ကလေးဘဝ ငယ်ငယ်လေးကတည်းက သူငယ်ချင်းတွေပေါ့။ သူတို့၃ယောက်ထဲမှာ ရှောင်ယုနဲ့လီမိုကတော့ ပိုပြီးသံယောဇဥ်ကြီးကြပါတယ်။ ရှောင်ယုဆိုတဲ့ကောင်မလေးအဖေက သားသမီးအတွက်ဆိုရင် အလွန်လောဘကြီးတဲ့သူပေါ့။ သမီးဖြစ်သူကို အကောင်းဆုံးကျောင်းကနေ အလယ်တန်းထိ သင်ယူပြီး အကောင်းဆုံးတက္ကသိုလ်ကိုတက်စေချင်တယ်။ ရှောင်ယုလေးကလည်း ပညာရေးမှာထူးချွန်တယ်လေ။ လီမိုကတော့ ကလေးဆန်တယ်။ လုပ်ချင်တဲ့အရာဆိုရင် ဘာမှမစဉ်းစားပဲလုပ်တတ်တယ်။ ဒါပေမဲ့ ရှောင်ယုအပေါ်မှာ လီမိုရဲ့သံယောဇဥ်တွေကတော့ အနှိုင်းမဲ့ပါ။ သူတို့သူငယ်ချင်း၂ယောက်မှာ ထူးခြားချက်တစ်ခုရှိပါတယ်။ စာသင်ခန်းထဲက ရယ်စရာတွေ ဆရာစာသင်တာတွေ စသဖြင့် အားလုံးကို တိတ်ခွေလေးနဲ့ဖမ်းပြီး နားထောင်တတ်ကြတာပါပဲ။ ရှောင်ယုကျောင်းမလာတဲ့နေ့တွေဆို လီမိုက အသံဖမ်း။ ရှောင်ယုကလည်း အားကျမခံ အသံထပ်ဖမ်း။ တစ်ဦးပေးတဲ့တိတ်ခွေလေးတွေကို တစ်ဦးကနားထောင်ရင်း သံယောဇဥ်လေးတွေပိုတွယ်လာပြီး အချစ်အဖြစ်အရောင်းပြောင်းလာကြပါတယ်။ ဒါပေမဲ့ သူတို့နှစ်ယောက်ကြား မမြင်ရတဲ့ကံကြမ္မာတွေဝင်လာတဲ့အချိန် ဘယ်လိုတွေဆက်ဖြစ်မှာလဲ။ သူတို့ရဲ့အချစ်တွေကို ဖွင့်ဟခွင့်ရမှာလား။ စိတ်ဝင်တစားစောင့်ကြည့်ရမှာပါ။ စကားပုံတစ်ခုရှိပါတယ်။အချစ်နဲ့ချောင်းဆိုးခြင်းကို အောင့်ထားလို့မရပါဘူးတဲ့။ အားလုံးဒီကားလေးကိုကြည့်နေစဉ်မှာ အားမလိုအားမရတွေ စိတ်ထဲမရိုးမရွတွေဖြစ်နေမှာ ကျွန်တော်မြင်ယောင်မိပါတယ်။ ဒီကားကိုကြည့်ပြီးရင် ကိုယ်ချစ်နေတဲ့သူကို အချိန်မဆွဲပဲ အမြန်ဖွင့်ပြောနိုင်အောင်လုပ်ရင်း FAဘဝကနေကျွတ်လွတ်ပါစေလို့ဆုတောင်းပေးရင်း……Crd: Channel Myanmar Show More