“သူငယ်ချင်းရာ ဒီလိုခေတ်ကာလကြီးမှာ တခြားအခြေနေတွေပေါ် ဦးတည်ပြီး စာရေးပါလား။ ဘာဖြစ်လို့ ပြည့်တန်ဆာတွေအတွက် တွေးပူနေရတာလဲ”
“ဘာလဲ အဲ့ဒိပြည်တန့်ဆာတွေက ငါတို့လူမှုပတ်ဝန်းကျင်ရဲ့ တစိတ်တဒေသမဟုတ်လို့လား။ သူတို့ဆီသွားနေကြတဲ့သူတွေက ဘုရားတရားသွားလုပ်တာလား။ သွားဖို့လာဖို့ကျတော့ လွတ်လွတ်လပ်လပ် သွားလာကြပြီး ရေးဖို့ကြတော့ လွတ်လွတ်လပ်လပ်ရေးခွင့်မရှိဘူးလား”
တရားရုံးကို အိမ်ဦးနဲ့ကြမ်းပြင်သွားလာနေရလို့ သူငယ်ချင်းဖြစ်သူ တားသော်လည်း မန်တိုတစ်ယောက် လက်မခံချေ။
မန်တိုဟာ နာမည်ရစာရေးဆရာ တစ်ယောက်ပါ။ အထူးသဖြင့် ပြည်တန်ဆာတွေရဲ့ ဘဝနာမှုတွေ၊ ဒုက္ခတွေကို အသားပေးရေးဖွဲ့လေ့ရှိပြီး မဖွယ်မရာရေးသားမှုဆိုတဲ့ ခေါင်းစဉ်နဲ့ အကြိမ်ကြိမ် အမှုတွေလည်း ရင်ဆိုင်နေရပါတယ်။
ဒါပေမဲ့ မန်တိုကတော့ သူ့ယုံကြည်ချက်ကို မပြင်ဘဲ ရှေ့ပဲဆက်တိုးခဲ့ပါတယ်။ မူစ်လင်(မ်)တစ်ယောက် ဖြစ်သော်ငြားလည်း ဘာသာပေါင်းစုံမိတ်ဆွေတွေရှိပြီး နယ်ပယ်အစုံမှာ အောင်မြင် အဆင်ပြေနေသူတစ်ယောက်။
အိန္ဒိယနိုင်ငံကြီး လွတ်လပ်ရေးမရခင် အဆင်ပြေခဲ့သမျှဟာ လွတ်လပ်ရေးရပြီးနောက် အားလုံးပျက်သုန်းသွားခဲ့ပါတယ်။ အိန္ဒိယ-ပါကစ္စတန် ၂ နိုင်ငံကွဲထွက်သွားပြီး အစ္စလာမ်ဘာသာဝင်ဖြစ်တဲ့ မန်တို ပါကစ္စတန်ကို ရွှေ့ပြောင်းခဲ့ရပါတယ်။
ဒီဇာတ်ကားဟာ နာမည်ကျော် စာရေးဆရာ တစ်ယောက်ဖြစ်တဲ့ ဆာဒတ် ဟဆန် မန်တိုရဲ့ ဘဝဇာတ်ကြောင်းကို ရိုက်ကူးထားတာ ဖြစ်ပြီး သူ့နာမည်ကျော် ဇာတ်လမ်းတိုတွေကိုလည်း သေသေချာချာ ပုံဖေါ်ပြထားပါတယ်။
Bio-History ကားတစ်ကားပီပီ အိန္ဒိယ-ပါကစ္စတန် နှစ်ခြမ်းကွဲခဲ့တဲ့ အခြေအနေတွေ ပါကစ္စတန်ဘက်က ဒုက္ခပြဿနာတွေနဲ့ အိန္ဒိယရဲ့ သဘာဝမင်းသားကြီး နာဝါဇွဒ္ဒီးန်းတို့ရဲ့ ပေါင်းစပ်မှုနဲ့ ၂၀၁၈ ရဲ့ အိန္ဒိယဇာတ်ကားကောင်း တစ်ကားအဖြစ် သတ်မှတ်ရမှာပါပဲ။ အားလုံးပဲ ကြည့်ရှုခံစားကြည့်လိုက်ကြပါဦး……Crd: Channel Myanmar
Related
