Mr. Majnu (2019)

အိန္ဒိယရုပ်ရှင်ကြိုက်သူတွေ အကြမ်းပတမ်းတွေ ကြည့်ရတာများပြီး အီနေပြီလား။ ဒါဆို အချစ်ဇာတ်လမ်းလေး တစ်ကားလောက်ကြည့်ရအောင်။ ဟောဗျာ မင်းသားရှိုးလိုက်တော့ လူကြိုက်များခဲ့တဲ့Helloဆိုတဲ့ တေလဂူးကားထဲက မင်းသား။ မင်းသမီး တစ်ချက် ထပ်ရှိုးမယ်။ ရိုးပြီး အေးချမ်းလှတဲ့ မျက်နှာထားပိုင်ရှင်လေး။ ဇာတ်လမ်းထဲ တစ်ချက်ထပ်ရှိုးမယ် ။ “အချစ်ဟာ လိုက်ရင်ပြေးတယ်၊ရပ်လိုက်ပြီဆိုတော့ ကိုယ့်နောက်ကို ပြန်လိုက်တယ်။ မာနတွေ သိက္ခာတွေ ခဝါချပြီးအရာရာ အနစ်နာခံခဲ့ပေမယ့်မင်းမှ မမြင်နိုင်ခဲ့တာ. . . ကိုယ့်ကိုမင်းတွေ့ဖူးတဲ့ မိန်းကလေးတွေလိုထင်နေတာ ကိုယ်တကယ်စိတ်မကောင်းဘူး။ ကိုယ်သတ်မှတ်ထားတဲ့ အချစ်ဆိုတာမျိုးက တစ်ဦးကိုတစ်ဦး နားလည်ပေးပြီး ချစ်သူသက်တမ်းကို လက်ချိုးရေတွက်ရင်း anniversary တွေကို အပတ်စဉ်၊လစဉ် ကျင်းပနေချင်တာမျိုး။ မတတ်သာတဲ့အဆုံးမှာကိုယ့်ချစ်သူ ကိုယ့်ဘက်မှာ မရှိမှန်းသိလိုက်ရတဲ့ အခါမှာ. . .ကိုယ်ဟာ ဆောက်တည်ရာမဲ့. . .ပေးဆပ်အချစ်ဆိုပေမယ့်လည်း ပိုင်ဆိုင်ခွင့်များ ရလေမလားလို့ မရဲတရဲနဲ့ မျှော်လင့်ချက် တစ်ချို့တစ်ဝက်ကိုရင်မှာပိုက်ရင်း ကိုယ်ဟာ အကြိမ်ကြိမ်သေဆုံးနေခဲ့ရသူပါ။” ဒါက ဗစ်ကီဆိုတဲ့စော်ကြည်ဘဲကောင်လေးကိုချစ်မိတဲ့ နစ်ကီဆိုတဲ့ ကောင်မလေးရဲ့ခံစားချက်နဲ့ အချစ်နဲ့ပက်သက်တဲ့ ခံယူချက်။ ကိုယ့်အတွက် အချစ်ဆိုတာတစ်လပဲခံတဲ့ လစဉ်သုံးပစ္စည်းလိုမျိုး၊လကုန်ရင် အသစ်ပြောင်းလဲရတာဟာနေသားကျနေပြီ။ ဒီလိုရတဲ့ အချိန် တစ်လအတွင်းကိုယ့်ရည်းစားနဲ့ ပျော်ပျော်နေမယ်၊ပျော်ပျော်လည်မယ်။ အချိန်တန်ရင် ဘာမှမဖြစ်သလိုမျိုး ဘာသိဘာသာ သူစိမ်းတွေ ဖြစ်သွားကြမယ်။ ဒါက ဗစ်ကီ့ဘက်က ခံယူချက်နဲ့သူလျှောက်နေတဲ့ လမ်း။ ကောင်မလေးတွေ ထည်လဲတွဲရင်း၊ England မှာလို အချစ်ဆိုတဲ့ အရာကိုFirst Kiss နဲ့ စတင်ပြီး Goodbye နဲ့အဆုံးသတ်တယ်။ ရိုးရိုးလေးပြောရမယ်ဆိုသူ့ရဲ့Relationshipတွေကအစရှိတယ်၊ အဆုံးသတ်ရှိတယ်။ အချစ်ဆိုတာ ဘာလဲ၊ထည့်ကို မတွေးမိသလိုဘယ်သူ့အတွက်မှ ရင်ဘတ်မှာ လှုပ်လှုပ်ရှားရှားမဖြစ်ဖူးသူပါ။ ဒါပေမယ့် တကယ့်အရိုးခံစိတ်နဲ့သူ့ကို အရှိအတိုင်းလေး ချစ်တဲ့နစ်ကီလို မိန်းကလေးနဲ့ အတွေ့မှာတော့. . .ဟိုးအရှေ့ 2017 ခုနှစ်တုန်းကထွက်ရှိခဲ့တဲ့ Hello အချစ်ကားလိုတကယ့်ကို ရင်ထဲစွဲငြိစေမယ့် အချစ်ကားစစ်စစ်တွေကိုခံစားတတ်သူတွေအဖို့ဒီကားကို ကြိုက်နှစ်သက်မိမှာ အမှန်ပါပဲ။ အဲ့ အချစ်ဇာတ်လမ်းပဲလားဆိုတော့ မိသားစုစီးပွားရေးကိစ္စ နည်းနည်းပါသေးတယ်။ ရင့်ကျက်လှပါဘိဆိုတဲ့ ညီငယ်ကို ပညာပေးပုံတွေ ရင်ထဲထိပါတယ်။ သူ့အစား စကားတစ်ခွန်း ပြောပေးရရင်“ဘဝဆိုတာ ရေလယ်ရောက်မှလှော်တက်ကျိုးပြီး ကမ်းစပ်မရောက်နိုင်တဲ့ လှေငယ်လိုမျိုး ဒုက္ခတွေဟာ အံဝင်ခွင်ကျ ရောက်လာတတ်တယ် ငါ့ညီရဲ့”…..Crd: Channel Myanmar