ဒီတစ်ခါတော့ ဘောလီဝုဒ် ပရိသတ်တွေအတွက် အလန်းစားတစ်ကား တင်ဆက်ပေးလိုက်ပါတယ်။
ဇာတ်ကားကကောင်းလွန်းတော့ ဘယ်လိုညွှန်းရမလဲ စဉ်းစားမရဖြစ်နေတယ်။ နိုင်ငံတကာ ရုပ်ရှင်အဆင့်သတ်မှတ်တွေအနေနဲ့လည်း IMDb 6.1/10 နဲ့ Rotten Tomatoes 83% တို့အထိရရှိထားပါတယ်။
အိန္ဒိယနိုင်ငံအတွင်းနေထိုင်တဲ့ မူစ်လင်(မ်) နှင့် အကြမ်းဖက်သမားကိစ္စကို ထောင့်စေ့အောင် သေချာလေးရိုက်ပြထားပါတယ်။ အကြမ်းဖက်သမားဆိုတာ ဘာလဲ၊ ဘယ်အရာက အကြမ်းဖက်မှုမြောက်သလဲ စသည့်ဖြင့် မေးခွန်းပေါင်းများစွာကို လှလှပပ အဖြေပေးသွားတဲ့ဇာတ်ကားကောင်းတစ်ကားပါ။
အဓိကသရုပ်ဆောင်တွေအဖြစ် ဂန္တဝင်မင်းသားကြီး Rishi Kapoor နှင့် မင်းသမီးချော Taapsee Pannu တို့က ပါဝင်သရုပ်ဆောင်ထားပြီး တခြားအနုပညာရှင် အတတ်ပညာရှင်ပေါင်းစုံမှ အကောင်းဆုံး အားဖြည့်ပါဝင်ထားပါတယ်။
ဇာတ်လမ်းလေးကတော့ အသက် ၆၅ နှစ်အရွယ် မူရာဒ် အလီ မိုဟမ္မဒ် အစ္စလာမ် ဘာသာဝင် တစ်ယောက်ဖြစ်ပြီးပတ်ဝန်းကျင်မှာ လူလေးစားကြည်ညိုရတဲ့ ရှေ့နေတစ်ယောက်လူတိုင်းနဲ့ အဆင်ပြေပြီး ပျော်ရွှင်စရာကောင်းတဲ့ မိသားစုတစ်ခုပိုင်ဆိုင်ထားသူ။
ဂြိုဟ်ဆိုးဝင်ချင်တော့ သူနဲ့ တစ်အိမ်တည်းနေ သူ့အုပ်ထိန်းမှုအောက်မှာရှိတဲ့ သူ့တူဖြစ်သူ ရှာဟစ်(ဒ်)ဟာ ဗုံးဖေါက်ခွဲပြီး အပြစ်မဲ့လူ ၁၆ ယောက်ကို သေစေခဲ့ပါတယ်။
အကြမ်းဖက်သမားဖြစ်သွားတဲ့ ရှာဟစ်(ဒ်)ကြောင့် သူတို့တစ်မိသားစုလုံး ပြောင်းပြန်အခြေအနေကို ရောက်ရှိသွားခဲ့ကြတယ်။
မူရာဒ် အလီ မိုဟမ္မဒ်နဲ့ သူ့ညီ ဘေလား(လ်) မိုဟမ္မဒ်တို့ဟာ အကြမ်းဖက်ဝါဒ အားပေးမှုနဲ့ တရားစွဲဆိုခြင်း ခံခဲ့ရပါတယ်။ စွပ်စွဲချက်ပေါင်းစုံနဲ့ တရားရုံမှာ သူတို့အပြစ်မရှိကြောင်း ဘယ်လိုသက်သေပြကြမလဲ။ သက်သေရော ပြနိုင်ပါ့မလား။ အားလုံးပဲ ဆက်လက်ရှု့စားကြည့်လိုက်ပါ။
ပေးရတဲ့အချိန် ထိုက်တန်ကြောင်း သိရပါလိမ့်မယ် (ဆက်ဆက်ထိမခံ ဘာသာရေး ပြဿနာကို ဒီလိုဇာတ်လမ်းရိုက်ရဲတဲ့ ဒါရိုက်တာကိုတော့ ချီးကျူမိပါတယ်၊ ဘာသာရေး အသုံးအနှုန်းများကို အနီးစပ်ဆုံးဖြစ်အောင် ကြိုးစားဘာသာပြန်ပေးထားပါတယ်၊ အလွဲအမှားများပါခဲ့ပါက ဒီနေရာကပဲ ကြိုတောင်းပန်ထားပါရစေ)……Crd: Channel Myanmar
Related
