ဝိညာဉ် ရှိတာ ယုံနိုင်မလားဆိုတဲ့
မေးခွန်းမျိုးအမေးခံရဖူးလား မိတ်ဆွေ ????
သိပ္ပံပညာ ထွန်းကားနေတဲ့ခေတ်မှာ
ပရလောက ကိုလက်မခံလည်းမရဘူးဆိုတာကို
ဒီဇာတ်ကားလေးက ပြောပြနေမှာပါ။IMDB 7.3/10 ရရှိထားတဲ့အတွက်
အတော်အတန်အောင်မြင်ထားတဲ့
ဇာတ်ကားလေးလို့ ဆိုနိုင်ပါသေးသည်။(ဇာတ်လမ်းအကျဉ်း)ညတစ်ညမှာပေါ့ ။ရုပ်ရှင်မင်းသား အမန်ကပူးဟာ
အက်စီးဒင့်ဖြစ်ပွားခဲ့ပြီး
သေဆုံးမှုဖြစ်ပွားခဲ့ပါတယ်။
ဖြစ်ပွားတဲ့နေရာကလည်း
လူခြေတိတ် နေပြီး လမ်းကလည်း
အရှင်းသားဖြစ်နေပါတယ်။
ဒီအဖြစ်ဟာ သမရိုးကျတော့မဖြစ်နိုင်ဘူးဆိုတာကို
အင်စပက်တာ Surjan ကသုံးသပ်လိုက်ပါတယ်။
Surjan ဟာ ထူးချွန်တဲ့ ရဲမှူးတစ်ဦးဖြစ်ပြီး
လက်အောက်ငယ်သားတွေရဲ့ လေးစားမှုကို
အပြည့်အဝရရှိထားသူပါ။
ထို့နောက် အမန်ကပူးသေဆုံးမှုကိုဖော်ထုတ်ရန်
Surjan ကြိုးပမ်းခဲ့တယ်။တစ်ဖက်မှာလည်း
ရှရှီ ဆိုတဲ့ပြည့်တန်ဆာခေါင်း ဟာလည်း
အမန်ကပူးသေဆုံးမှုကို ကြားရှိပြီးနောက်
သူရဲ့အိမ်ကနေ ထွက်ပြေးရှောင်ပြေးဖို့
ကြိုးပမ်းခဲ့ပါတယ်။ရှရှီမှာ ခြေတစ်ဖက်မသန်တဲ့ တပည့်လေးတစ်ယောက်ရှိပါတယ်။
သူ့နာမည်က တာမြူး။ရှရှီဟာ သူရဲ့အသုံးအဆောင်တွေကိုထုပ်ပိုးရင်း
နေရာရှောင်ခဲ့ပါတယ်။သူ သုံးနေတဲ့ဆင်းကဒ်ကိုလည်း
အသစ်ပြောင်းသုံးခဲ့ပါသေးတယ်။ထိုအချိန်မှာတော့
လွင့်ပစ်လိုက်တဲ့ ဆင်းကဒ်ကို တာမြူးအသုံးပြုလေသော်အခါ ။
ဘာတွေဆက်ဖြစ်မှာလဲ။
ဘာတွေကွင်းဆက်ပေါ်လာမလဲ ဆိုတာကို
စိတ်လှုပ်ရှားစွာ စောင့်ကြည့်ရမှာပါ။အင်စပက်တာ Surjan အကြောင်းထပ်ပြောရရင်
သူဟာ
မိသားစုရေးရာ စိတ်ထိခိုက်မှူ ရှိထားခဲ့သူပါ။
သူရဲ့သား ကရန်ဟာ
ရေနစ်သွားခဲ့တာကြောင့်
သူကိုယ်သူ့အပြစ်ရှိသလို မှတ်ယူထားသူပါ။
ဒါပေမဲ့ သူ့သားဝိညာဉ် ရှိနေတာကိုတော့
မယုံသူတစ်ဦးပါ။သူ့မိန်းမကတော့ သူ့ဝိညာဉ်နဲ့ဆက်သွယ်ပြောဆိုလိုသူပါ။
တစ်နေ့မှာတော့ သူတို့အိမ်နီးချင်းတစ်ယောက်ဟာ
သူတို့ရဲ့သား ကရန် ဝိညာဉ်နဲ့တွေ့ဆုံသည်ဟု
သတင်းကြားမိလေသည်။ထိုအခါမှာ သူ့သားဝိညာဉ်နှင့်ဆက်သွယ်လိုသော
Surjan မိန်းမ /
အယုံအကြည်မရှိသော Surjan /
သူတို့နှစ်ဦးကြား ပြဿနာတွေကလည်း
Surjan အတွက် စိတ်ဖိစီးမှုများစေခဲ့ပါတယ်။Surjan ဟာ အမန်ကပူးရဲ့ သေဆုံးခြင်း အတွက်
မှူခင်းရှာဖွေရင်း ရိုဆီ ဆိုတဲ့ပြည့်တန်ဆာလေးနဲ့
ဆုံတွေ့ခဲ့ပါသေးတယ်။ရိုဆီ ဟာ Surjan အတွက်
ကူညီသူတစ်ဦးဟု ယူဆကာ
အမှုအတွက် အရေးပါသူတစ်ဦးလည်း
ဖြစ်ခဲ့ပါသေးတယ်။ဒီဇာတ်ကားမှာတော့ရုတ်ခြည်းတွေ့ဆုံခဲ့ရတဲ့ ရိုဆီဟာ
Surjan အတွက်
ဘာတွေဖော်ထုတ်ပေးနိုင်ခဲ့သလဲ။ရိုဆီရဲ့အတိတ်ဇာတ်ကြောင်းနဲ့
ဘဝဖြစ်ပျက်မှုအကြောင်းကရော။ဝိညာဉ် မယုံသော Surjan အတွက်
မည်သို့သော ဖြစ်ရပ်မျိုး
မည်သို့သော လုပ်ရပ်မျိုးက
အံ့အားသင့်စေခဲ့မလဲ။သူ့သားလေး ကရန်ကရော
ဝိညာဉ်ဖြစ်နေခဲ့မည်လော။Surjan ရဲ့မိသားစုအခြေအနေ
အမှုအခင်းအောင်မြင်မှုတွေကရော။အမန်ကပူးသေဆုံးမှုက
မတော်တဆလား။
လုပ်ကြံသတ်ဖြတ်မှုလား။အမန်ကပူးရဲ့ လူမသိသော
နောက်ကွယ်အတိတ်ဖြစ်ရပ်တွေကရော။စတဲ့ မေးခွန်းပေါင်းများစွာက
သင့်အား စိတ်လှုပ်ရှားစေမှာပါ။
အတန်ငယ်ရှုပ်ထွေးသည်ဟု
ထင်မြင်ရသော်လည်း
ဇာတ်ကားရဲ့ရည်ရွယ်ချက်က အရသာမပျက်သွားပါဘူး။မေတ္တာ တရားတွေပေါင်းစည်းပြီး
ဖြစ်လေ့ဖြစ်ထရှိတဲ့လူ့သဘာဝနဲ့
ပရလောက ကိုပါထည့်သွင်းရောနှောထားသောကြောင့်
အထူးစိတ်ဝင်စားဖွယ်ကောင်းလှပါတယ်။
ဒါကြောင့် ကြည့်ရှုရင်းရင်ခုန်လိုက်ကြပါဦးလို့။(ဇာတ်ကားအညွန်းရေးသူကတော့ လင်းခယံ ဖြစ်ပါတယ်)@Joker
