ဒီဇာတ်ကားအကြောင်းကို ပြောရမယ်ဆို ရင်ကိုယ့်ပေါင်ကိုယ်လှန်ထောင်းသလို ဖြစ်နေမယ်လို့ တွေးမိပါတယ်။ ဘာလို့များလဲ? ကျွန်တော်လဲလူသားတစ်ယောက်ပဲကိုး။
ကျွန်တော်တို့လူသားတွေက ဂုဏ်တွေ ပညာတွေနဲ့ စောင့်ထိန်းရမယ့် စည်းကမ်းတွေနဲ့ ဒီလောကကြီးထဲမှာ နေထိုင်နေရတာမဟုတ်လား။ လူတိုင်းမှာ မကောင်းစိတ်ဆိုတာရှိစမြဲပဲလေ။ အဲ့လိုမကောင်းတဲ့စိတ်ကိုပဲ အသိပညာနဲ့ စည်းမျဉ်းတွေက ထိန်းချုပ်ထားတာမဟုတ်လား။
လူတွေရဲ့ မကောင်းတဲ့စိတ်ဆိုတာ ဘယ်လိုအချိန်မှာ ပေါ်ထွက်လာတတ်လဲ။ အတ္တ မာနနဲ့ အကောက်ကြံမှုတွေကဘယ်လိုအချိန်မှာ ပေါ်ထွက်လာတတ်လဲ။ ရှင်းပါတယ်။ စိတ်ကွယ်ရာအရပ် သို့မဟုတ်ဥပဒေကင်းလွတ်တဲ့အရပ်မှာဘွင်းဘွင်းကြီး ထွက်ပေါ်လာတတ်တယ် မဟုတ်လား။
ဒီဇာတ်ကားကလဲ ဒီသဘာဝကို အထင်းသားမြင်ရအောင် ရိုက်ပြထားပါတယ်။ ဇာတ်ကားစစချင်းမှာ ကုမ္ပဏီတစ်ခုက ဝန်ထမ်းတွေကို နှစ်ပတ်လည်အနေနဲ့ ပင်လယ်ကမ်းခြေကို အလည်အပတ်ပို့ပေးပါတယ်။
ကမ္ဘာ့အပြင်ဘက်က ဥက္ကာခဲအန္တရာယ်ကိုလျစ်လျူရှုပြီး ပင်လယ်ထဲအလည်အပတ်ထွက်လာတဲ့သူတို့ဟာ ဥက္ကာခဲကြောင့် ဆူနာမီနဲ့ရင်ဆိုင်ခဲ့ရပြီး ကျွန်းတစ်ကျွန်းပေါ်သောင်တင်ခဲ့ပါတော့တယ်။
သူတို့နဲ့အတူ ပရော်ဖက်ဆာ တစ်ယောက်ကပါဝင်ခဲ့ပြီး ပရော်ဖက်ဆာရဲ့တွက်ချက်မှုက လောကကြီးတစ်ခုလုံး ဥက္ကာခဲကြောင့် ပျက်သုဉ်းသွားပြီး ရှင်ကျန်သူဆိုလို့ သူတို့သာကျန်တော့ကြောင်း အဖြေထွက်လာပါတော့တယ်။
ဒီတော့..စည်းလုံးမှုတွေလဲပြိုကွဲ နောက်ဆုံးကျန်ခဲ့တဲ့လူသားမျိုးနွယ်ရဲ့ ခေါင်းဆောင်နေရာကိုလဲ လိုချင်တပ်မက်လာတဲ့အခါ… မင်းသားခေါင်းဆောင်းထားတဲ့ ဘီလူးရဲ့ပကတိမျက်နှာဟာ ထိုကျွန်းပေါ်မှာပေါ်ပေါက်လာပါတော့တယ်..
အတ္တတွေ တပ်မက်မှုတွေနဲ့ လူတစ်စုကျွန်းပေါ်မှာ ဘယ်လိုအသက်ရှင်သွားမလဲဆိုတာ ကိုယ်တိုင်ပဲဆက်လက်ကြည့်ရှုလိုက်ပါ…..Crd: Channel Myanmar
Related
