U Turn (2018)

U-Turn ဆိုတာ မြန်မာလိုပြောရင် “ဂငယ်ကွေ့” ပါ့။ ယာဉ်စည်းကမ်း လမ်းစည်းကမ်းထဲမှာ ဂငယ်ကွေ့မကွေ့ရတဲ့ ဆိုင်းဘုတ်အဖြစ် U(ယူပုံစံ)ကို ကြက်ခြေခတ်ထားတဲ့အမှတ်အသားကို အသုံးပြုကြတယ်။ ဒီကားလေးကတော့ ကုန်းကျော်တံတား(မိုးပျံတံတား)တစ်ခုပေါ်မှာ ဖြစ်ပျက်တဲ့ အက်ဆီးဒင့်တစ်ခုအပြီး အဲ့ဒီတံတားပေါ်မှာ ဂငယ်ကွေ့ကွေ့မိသူတိုင်း သေဆုံးကြလို့ အဲ့ဒီအကြောင်းအရင်းကို ရဲအရာရှိတစ်ယောက်နဲ့ သတင်းထောက်တစ်ယောက်တို့က လိုက်လံစုံစမ်း ဖော်ထုတ်တဲ့အကြောင်းဖြစ်ပါတယ်။ ရဲ အရာရှိ နာမည်က နာယာ့ခ်၊ သတင်းထောက်မလေး နာမည်က ရာချားနားတဲ့။ ရာချာနားက သူ့ရုံးနားက ကုန်းကျော်တံတားပေါ်က ယာဉ်စည်းကမ်းဖောက်ပြီး ဂငယ်ကွေ့ ကွေ့သူတွေကို လမ်းဘေးအဘိုးကြီးတစ်ယောက်ရဲ့ အကူအညီနဲ့ လိုက်လံ စောင့်ကြည့်မှတ်သားနေသူပါ။ စည်းကမ်းဖောက်သူတွေထဲက ဆွန်ဒါးဆိုသူ သေကြောင်း ကြံစည်သွားချိန်မှာ ရာချာနားလည်း စိတ်ဝင်စားပြီးစည်းကမ်းဖောက်သူ စာရင်းနဲ့ တိုက်ကြည့်တော့မှ ဂငယ်ကွေ့ ကွေ့သူ မှန်သမျှ သေဆုံးကုန်ပြီဆိုတာ သိလိုက်ရပါတယ်။ ရဲစခန်းက ရာချားနားကို မသင်္ကာပါဘူး. . .။သူ့အနားမှာ ရဲအရာရှိ နာယာ့ခ်ကို စောင့်ကြပ်စေပြီး စစ်လားမေးလားတွေ လုပ်လာပါတယ်။ ဇာတ်လမ်းအညွှန်းကိုတော့ဒီလောက်နဲ့ပဲ ရပ်ပါမယ်။ သေသွားကြတဲ့ သူတွေဟာကိုယ်တိုင် သတ်သေကြတာလား?တစုံတယောက် လက်ချက်လား? ရာချားနားဆိုတဲ့ သတင်းထောက်မလေးက သတ်လိုက်တာလား? ဒီလို အစဉ်လိုက် လူတွေ သေဆုံးနေရတာဟာနာယာ့ခ်ယူဆသလို သွေးရိုးသားရိုးအတိုင်းသေကြောင်းကြံစည်မှု သက်သက်ပဲလား. . . အဆုံးအထိ အားပေးလိုက်ကြပါဦး. . . ဝန်ခံချက်။ ။ဒီကားက Kannada စကားပြော ရုပ်ရှင်U TURN 2016 ရဲ့ Remake Version ဖြစ်တယ်လို့ သိရပါတယ်။ ။ဒါကြောင့် 2016 ခုနှစ်က ထွက်ရှိခဲ့တဲ့U TURN ဇာတ်ကားကို ကြည့်ဖူးရင်ဒီကားနဲ့ အတူတူပါပဲ ခင်ဗျာ…….Crd: Channel Myanmar Show More